Segant Pepper

Segant Pepper

In zien vroolukke kostuum

Van dat bendje

Met ut hatte allene

Zien vrouw nam de bene

Plus ok nog de kinder met

Segant Pepper

Leep deur nachteluk Eenske

In ut vel van zien moo

Umdat e

Volgns zien advocoat

Wat kleenigheedn

Deur mekare had e haalt

Zeg mar

Dr niks met bedoelt

Ma wal alles betaald

Den Segant Pepper

Was as kind ooit is

Ontroostbaar

Toen e zien knien

Op ’n plas zag liggn

Badderend in blood

Zien vaa vroag um

Woarumme

Wijl e veurzichtig

De biele tot zich nam

Ach papa

Zee Segant Pepper

Ut geet ok amoal

Zo verskrikkeluk makkeluk dood

Zo verskrikkeluk makkeluk kapot

Doarnet nog kind

En noe a god

Segant Pepper

Nit van de Groote Avontuurn

Trof ooit de vrouw van zien leamn

Op nun schommel

In de tuin

Van de buurn

Doar dach e

Noa 1 keer proatn

En metene a neukn

Woarum zok potverdomme

Nog wieter zeukn

Segant Pepper

Sneed met zien mes

In de film van ut vel

Dat zien moo was e wes

Hee bekeek zich in de speegel

As was ut nun putte

Strak op ut eerste oog

Mar iets te veulle butte

Kom

Dach e

Nit

Miegn

Joa hek

Nee wuk kriegn

Segant Pepper

In zien vroolukke kostuum

Leep tierend deur Roombeek

Stek mie da an

1 2 3 4

Kump dr nog wat van

Dan buw mar boern

As melk zo wit

Mar in de hoed van oe moo

Dat doaj toch nit

Segant Pepper

Van de Rooie Roozn

Van nun leemn in nun dag

En ut aangenaam verpoozn

Ut motief dat dr lee

Zoas Ali B. a zee

Natuulk ken ik Yoko Ono

Mar wie de fuck is John Lennon

De helft starft veur Reuters

De andern veur Canon